Suidersee | |
---|---|
![]() Die Suidersee in 1748 | |
![]() Die Ysselmeer wat daaruit ontstaan het | |
Koördinate: | 52°50′N 05°20′O / 52.833°N 5.333°O |
Ligging: | Friesland, Holland (Nederland) |
Soort: | See van die Atlantiese Oseaan |
Oppervlakte: | 5 900 km² |
Uitvloei: | Noordsee |
Die Suidersee (Nederlands: Zuiderzee, Nedersaksies: Zuderzee, Wes-Fries: Sudersee) is 'n see wat vroeër in die middel van Nederland gelê het. Met die voltooiing van die Afsluitdyk in 1932 word die see verdeel. Die binnedykse deel heet sedertdien Ysselmeer, die buitedykse deel is nou deel van die Waddesee.
Die Suidersee het in die middeleeue ontstaan uit 'n binnemeer met soet water wat die Aelmere genoem is en sy water van die riviere Ryn en Yssel ontvang het. Die uitvloei van hierdie meer na die Noordsee in die noordweste was die Vlie. Die naam Vlieland van een van die Wadde-eilande herinner nog aan die tye. In 'n reeks oorstromings is die land wat die sout water van die Noordsee en die soet water van die Aelmere geskei het, weggespoel en die Vlie is baie verbreed tot dit 'n oop see-arm geword het. Daar is berigte dat die oorstromings die sout water het laat deurdring tot in die stad Utrecht. Die Aelmere het so 'n see geword of eintlik 'n baai van die Noordsee.
Ná 1932 is hierdie proses kunsmatig teruggedraai. Deur die Afsluitdyk het die Suidersee weer 'n soet meer geword, wat Ysselmeer genoemd word.